Այսօր: Ուրբաթ, 18 Օգոստոսի 2017թ.
Նորաշենի համայնքաապետարանի պաշտոնական կայք
ՆՈՐԱՇԵՆ (ԱՐԱԳԱԾ) ՀԱՄԱՅՆՔ
ԻՐԱԴԱՐՁՈՒԹՅՈՒՆՆԵՐ

ՆՈՐՈՒԹՅՈՒՆՆԵՐ
01.08.18 ՈՂՋՈՒՅՆԻ ԽՈՍՔ
   Հարգելի հայրենակիցներ, ողջունում ենք Ձեզ և սիրով տեղեկացնում, որ Հայաստանի Հանրապետության Արագածոտն մարզի Նորաշեն համայնքն այսուհետ ևս կներկայանա կայք էջով: Այստեղ մենք կլուսաբանենք գյուղապետարանի աշխատակազմի, դպրոցի, մշակույթի տան, հասարակական նշանակության այլ օջախների գործունեությունը, նրանցում իրականացվող ծրագրերն ու միջոցառումները: Կայքի բաժիններում պարբերաբար կզետեղվի նաև Ձեզ հետաքրքրող տեղեկատվությունը: Մեր կայքի աշխատանքն առավել բովանդակային դարձնելու համար, կընդունենք ու կուսումնասիրենք նաև Ձեր առաջարկները: Վստահ եմ` լավագույն լուծումները ի նպաստ դնելով համայնքի շահերին, կունենանք առավել բարեկեցիկ բնօրրան:   Նորաշեն համայնքի ղեկավար` Արթուր Սուրիկ Կարապետյան ... Մանրամասն
18.08.17 ԳՅՈՒՂԱՄԻՋՅԱՆ ՃԱՆԱՊԱՐՀՆԵՐԻ ԸՆԹԱՑԻԿ ՆՈՐՈԳՈՒՄ ՆՈՐԱՇԵՆ ՀԱՄԱՅՆՔՈՒՄ...

Այսօր Նորաշեն համայնքում կատարվում են գյուղամիջյան ճանապարհների ընթացիկ նորոգման աշխատանքներ, ինչը առավել մատչելի կդարձի վարորդների երթևեկությունը համայնքի տարածքում:Նորաշենի համայնքապետի ջանքերով համայնքի տարածքում հաճախ են կատարվում նման աշխատանքներ, համայնքին հուզող խնդիրներին փորձում է հնարավորինս դրական լուծում տալ:

29.07.17 ՀԵՐԹԱԿԱՆ ՇԱԲԱԹՕՐՅԱԿԸ ՆՈՐԱՇԵՆ ՀԱՄԱՅՆՔՈՒՄ

Նորաշեն համայնքում շաբաթօրյակները սկսվեցին դեռ ապրիլ ամսից, նախատեսվեցին  ժամանակ առ ժամանակ խրոնիկ աղբավայրերի վերածվող տարածքների մաքրման աշխատանքներ կատարել: Համայնքը մաքուր պահելու պարտականությունը ոչ միայն ՏԻՄ մարմիններին է, այլ նաև բնակիչներինը։ Միայն այս կերպ է հնարավոր ունենալ իսկապես մաքուր համայնք:

 Այս շաբաթօրյակի ընթացքում մաքրվել են համայնքայի փողոցները, հուշարձանին հարող տարածքը, հանրապետական նշանակություն ունեցող մայրուղին:

Եկեք մաքուր պահենք մեր համայնքը:

23.07.17 ՎԱՐԴԱՎԱՌԻՆ ՆՈՐԱՇԵՆ ՀԱՄԱՅՆՔԸ ԴԱՐՁՅԱԼ ԲԱԶՄԱՄԱՐԴ ԷՐ

Ինչպես բոլոր տոները, այնպես էլ Վարդավառը նորաշենցիները տոնում են մեծ շուքով: Շարայի սարը, որն ունի ծովի մակարդակից շուրջ 2400 մետր բարձրություն, այս տարի ևս բազմամարդ էր: Ոչ միայն Նորաշենի բնակիչները, այլ նաև հարակից գյուղերի և քաղաքների բնակիչները Վարդավառին ուխտի են գնում Սուրբ Հովհաննես մատուռ, որը գտնվում է Շարայի սարի գագաթին: Ի դեպ, մեր սարը  կոչվել է  Նոյի սերնդակիցներից շատակեր Շարայի անունով:

Լինելով քրիստոնյա ժողովուրդ՝ եկեք պահպանենք մեզ ավանդված սովորույթները և փոխանցենք մեր սերունդներին: 

12.06.17 ՀԿՏՀ-Ի ՀԵՐԹԱԿԱՆ ՔՆՆԱՐԿՈՒՄԸ ՄԱՐԶՊԵՏԱՐԱՆՈՒՄ

Այսօր Աշտարակ քաղաքում տեղի ունեցավ ՀԿՏՀ-ի հերթական քննարկումը՝ ՀԿՏՀ-ի ղեկավար Գրիշա Խաչատրյանի ղեկավարությամբ: Քննարկմանը մասնակցում էին և՛ մարզպետարանի , և՛ համայնքապետարանների աշխատակիցները, որի ընթացքում բարձրացվեցին հարցեր, որոնք արդյունավետ և թափանցիկ աշխատանք կապահովեն համայնքապետարանների համար:Իսկ լավ արդյունք ունենալու համար պետք է կոլեկտիվ աշխատանք կազմակերպել: Ներկայացվեցին նաև համայնքապետարանների աշխատանքային թերությունները, և հնարավորություն տրվեց տասնօրյա ժամկետում վերացնել դրանք:

01.06.17 ՆՈՐԱՇԵՆ ՀԱՄԱՅՆՔԻ ՂԵԿԱՎԱՐԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀՈՒՆԻՍԻ 1-Ի՝ ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՄԻՋԱԶԳԱՅԻՆ ՕՐՎԱ ԿԱՊԱԿՑՈՒԹՅԱՄԲ

   Սիրելի երեխաներ, Շնորհավորում եմ ձեզ աշխարհի թերևս ամենալուսավոր ու հրաշալի տոնի՝ Երեխաների պաշտպանութjան միջազգային օրվա կապակցությամբ:
Յուրաքանչյուրիս պարտքն է ապահովել երեխաների անհոգ մանկությունն ու շուրջ տարին նրանց պարգևել հունիսմեկյան բարձր տրամադրություն։ Դուք մեր ապագան եք, ուստի մենք՝ ավագներս, անում ենք ամեն հնարավորը, որպեսզի հայրենիքի վաղվա պաշտպանը, վաղվա քաղաքացին ու առաջընթացի շարժիչ ուժը մեծանան արժանապատվորեն՝ խաղաղ ու բարեկեցիկ պայմաններում։
Կրկին շնորհավորում եմ ձեզ Երեխաների պաշտպանության միջազգային օրվա կապակցությամբ և մաղթում անհոգ ու արևառատ մանկություն:

29.05.17 ՇԱԲԱԹՕՐՅԱԿՆԵՐԻ ՄԻԱՄՍՅԱԿ ՆՈՐԱՇԵՆ ՀԱՄԱՅՆՔՈՒՄ
     Նորաշեն համայնքում շաբաթօրյակները սկսվեցին դեռ ապրիլ ամսից, նախատեսեցինք ժամանակ առ ժամանակ խրոնիկ աղբավայրերի վերածվող տարածքների մաքրման աշխատանքները: Համայնքը մաքուր պահելու պարտականությունը ոչ միայն ՏԻՄ մարմիններին է, այլ նաև բնակիչներինը։ Միայն այս կերպ է հնարավոր ունենալ իսկապես մաքուր համայնք: Եվ օգտվելով առիթից ուզում են շնորհակալություն հայտնել բոլոր բնակիչներին, պետական ու մասնավոր հիմնարկներին, ովքեր մասնակցեցին շաբաթօրյակներին:  Շաբաթօրյակի ընթացքում մաքրվել են սելավատարերը, ամեն շաբաթ ստուգվել է սելավատարերի մաքրությունը, սելավի առաջացման վտանգները: Մաքրվել են համայնքայի փողոցները, հուշարձանին հարող տարածքը, հանրապետական նշանակություն ունեցող մայրուղին: ... Մանրամասն
26.05.17 ՆՈՐԱՇԵՆԻ ՌԱՖԻԿ ՀԱՐՈՒԹՅՈՒՆՅԱՆԻ ԱՆՎԱՆ ՄԻՋՆԱԿԱՐԳ ԴՊՐՈՑԸ ԵՎՍ ՄԵԿ ՍԵՐՈՒՆԴ ՃԱՆԱՊԱՐՀԵՑ ՆՈՐ ԿՅԱՆՔ...
Սիրելի՛ շրջանավարտներ, շնորհավորում ենք   ձեր կյանքի ամենահիշարժան օրերից մեկի՝ դպրոցական վերջին զանգի օրվա կապակցությամբ: Օր, որի հետ կապված հիշողությունները ձեզ ուղեկցելու են ամբողջ կյանքի ընթացքում: Դուք այսօր ձեր առաջին քայլն եք կատարում մեծ կյանքի ճանապարհին և, ինչ ուղղությամբ էլ որ ընթանա ձեր ուղին, շատ կարևոր է, որ միշտ հիշեք, որ դուք հաղթանակած սերնդի ժառանգորդ եք ու պարտավոր եք ոչ միայն պահպանել, այլև զարգացնել ու հարստացնել բոլոր այն ձեռքբերումները, որոնք ձեզ է փոխանցվել մեծ դժվարությունների նաև բազում կյանքերի գնով:      Վստահ եմ, որ ոչ միայն պահպանելու եք, այլև նոր որակներ եք հաղորդելու մեր ազգային այն արժեքներին, որոնք, դարեդար անցնելով, ձեր ծնողների ... Մանրամասն
1 2 3 4 5 6


ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ՀՀ Արագածոտնի մարզ, գ.Նորաշեն

+37493221272, +37493874521

norashen.aragatsotn@mta.gov.am

Պաշտոնական էլ. փոստ` @e-citizen.am
(միայն www.e-citizen.am համակարգով ծանուցումների համար)



© 2008 - 2017 Հեղինակային իրավունքները պաշտպանված են
ՆՈՐԱՇԵՆԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ v2.01
ԲԿԳ Մրցանակ 2015 - OGP Award 2015
2015 Regional Winner